Indi lango-lango ang gin-agyan sang beterano nga aktor nga si John Regala sang gindala siya sa ospital bangud sa iya balatian sa atay.
Halin sa government hospitals padulong sa private hospitals, wala sang may nagbaton kay John bangud lunsay puno ang mga emergency rooms.
Suno sa anay child actor nga si Chuckie Dreyfus,may yara sang liver cirrhosis kag gout si John.
Ginbisita naman ni Film Development Council of the Philippines Chairperson Liza Diño ang aktor kag nagalaom ini nga mahatagan na sang kaugalingon nga kwarto.
Sa subong, hugot nga gina-monitor sang mga doktor ang kondisyon ni John bangud sa nagalala ang iya nga balatian.
Una na nga ginbuligan sang isa ka grab driver si John bangud nagalingin ang iya ulo kag ginagutom.
Nadumduman sang driver nga i-post ang pictures ni John sa social media kag bangud sini, madamo sang mga kaupod niya sa showbiz ang nagbulig.
