Nagamala bala ang imo nga bibig kada bugtaw mo sa aga? Ina bala ang feeling nga gusto-gusto mo na gid mag inom sang tubig.
Ang pagmala sang bibig ukon ginatawag nga xerostomia ang isa ka kondisyon nga nagapahinay ukon nagapa untat sa paghimo sang laway.
Suno kay Jennifer Pettit, dental hygienist sa Miami, Florida, ang mga tawo nga naka experyensya sang nasambit nga kondisyon ang nagakabudlayan nga magtulon, mag-usap sang pagkaon ukon nabudlayan nga maghambal.
Kun indi gilayon mahatagan sang igtalupangod ang pagmala sang bibig, mahimo ini nga tunaan sang pagkaguba sang ngipon kag pagbaho sang baba.
Pahayag sang eksperto, kun indi gilayon mag ayo ang kondisyon, may yara sang dako nga posibilidad nga may yara ikaw sang impeksyon tuga sang fungi ukon virus sa imo nga bibig.
