CABATUAN, ILOILO – Nagguba ang balay sa Barangay Zone 4, Cabatuan, Iloilo matapos matumbahan sang puno sang niyog.
Sa interview sang Bombo Radyo kay Sam Gayonoche, utod sang tag-iya sang balay, iya ginpahayag nga nagahilay na ang puno kag plano kuntani nga i-sarahe.
Apang sa malain nga palad suno kay Gayonoche, natumba kag nagtupa sa atop sang balay sang iya utod ang puno sang niyog.
Dugang pa sang natungdan, maayo lang kay nakaguwa ang iya utod gikan sa balay bangud kun wala, mahimo nga nagtupa ang puno sa ulo sini kay nagahigda ini sang gintawag sa guwa sang isa pa nila ka utod.
(Photos from Sam Gayonoche)
