ILOILO CITY – Nagdangat na sa 104 ang na record nga kaso sang Coronavirus Disease 2019 (COVID-19) sa Iloilo Fish Port Complex.
Sa press briefing, ginpahayag ni Iloilo City Mayor Jerry Treñas, iya ginpahayag nga as of August 7, 20 ka COVID-19 cases ang nagdugang sa listahan.
Suno kay Treñas, sa 20 ka panibag-o nga kaso, 4 diri ang kumpirmado nga residente sang syudad sang Iloilo apang nagapadayon pa sa subong ang validation.
May kaangtanan diri, padayon man ang contact tracing samtang ginahulat resulta sang confirmatory test sang iban nga close contacts sang COVID-19 positive.
Samtang, ginakabig nga alarming ni Iloilo Gov. Arthur Defensor Jr. ang nagataas nga kaso sang COVID-19 sa Iloilo FIsh Port Complex.
Sa pagpaathag ni Defensor, indi lang ang mga residente sang syudad sang Iloilo ang nagapadulong sa fish port kundi lakip na diri ang mga residente sang probinsya sang Iloilo.
May kaangtanan diri, ginakinahanglan sang gobernador ang bulig sang tagsa ka alkalde sa probinsya sang Iloilo para sa contact tracing.
