Gindula ni Presidential Spokesman Atty. Harry Roque ang kahangawa sang mga Pilipino may kaangtanan sa ginapahayag pagbulos sang Pilipinas sa Indonesia nga may pinakamataas nga kaso sang Coronavirus Disease 2019 (COVID-19) sa Southeast Asian nation.
Nagapati si Roque nga ang pagtaas sang kaso sang COVID-19 sa Pilipinas ang bangud sa pagtaas sang testing capacity.
Suno naman kay Department of Health Undersecretary Maria Rosario Vergeire, kinahanglan nga mahangpan sang maayo sang publiko ang numero sang mga kaso sang duha ka mga pungsod bangud may yara ini sang nagkalain-lain nga populasyon kag health systems.
Mahimo pahayag ni Vergeire nga bangud gamay lang ang populasyon kag land area sang Singapore rason nga may yara man ini sang mas nubo nga numero sang kaso sang COVID-19 ipaanggid sa Pilipinas.
Samtang ginasiguro naman sang ahensya nga indi matabo sa Pilipinas nga mapilitan na lang ang mga medical workers nga mamili sa mga pasyente kun sin-o ang dapat mabuhi kag ang mapatay.
Kun mapuno na gid man ang mga ospital sa Metro Manila, mahimo nga maka responde kag makabulig ang mga healthcare workers kag mga ospital sa iban nga rehiyon.
