PASSI CITY, ILOILO – Padayon ang contact tracing kasunod sang ika-duha nga local transmission sang COVID-19 cases sa Passi City.
Sa interview sang Bombo Radyo kay Mayor Stephen Palmares, iya ginpahayag nga ang ika-duha nga pasyente nga ginakabig nga local transmission sang COVID-19 amo ang 23 anyos nga health worker nga nagatrabaho sa isa ka pribado nga clinic sa nasambit nga component city.
Suno kay Palmares, temporaryo nga ginpasirado ang private clinic agud nga hatagan sang ligwa ang pagpatigayon sang disinfection.
Ginpahayag ni Palmares nga sa subong, ang pasyente ang naka-facility quarantine.
Kadungan sini, nagapanawagan ang alkalde sa publiko nga sundon ang mga ginapatuman nga minimum health standards agud nga indi na madugangan ang na record nga local case sang COVID-19.
