IGABARAS, ILOILO – Padayon ang assessment sa halit tuga sang pagbubo sang mamunog nga ulan sa Igbaras, Iloilo.
Sa interview sang Bombo Radyo kay Mayor James Esmeralda, iya ginpahayag nga ang Poblacion 1, 2 kag 3 ang nalubog sa tubig-baha.
Suno kay Esmeralda, ang pagbaha ang epekto sang tuman ka gamay nga drainage system kun sa diin may mga kahoy kag iban pa nga higko nga nagbalabag sa pag-ilig sang tubig sa sulod sang tamburong.
Ginpahayag ni Esmeralda nga may yara man sang reported landslide sa Brgy. San Ambrosio kag Brgy. Santa Barbara .
Sinako nga abono nga yara sa covered gym ang nabasa sang ulan kag bisan ang mga kagamitan sa sulod sang munisipyo ang nagkalabasa man sang tubig.
Magluwas diri, may yara man sang mga residente nga gin-rescue sang mga pulis matapos ginsulod sang tubig-baha ang ila balay.
Nagpanugyan naman ang alkalde sa mga residente nga naga-istar malapit sa suba nga mag-evacuate bangud sa peligro tuga sang pag-awas sang tubig.
