MIAGAO, ILOILO – 40% sang pamalay sa Brgy. Sapa, Miagao, Iloilo ang apektado sang baha matapos naglapaw ang tubig sa suba bangud sa mamunog nga pag-ulan.
Sa interview sang Bombo Radyo kay Punong Barangay Judy Nemadia, iya ginpahayag nga naguba ang riprap bangud sa tuman ka baskog nga ilig sang tubig rason nga lubog sa tubig-baha ang kalabanan sa mga balay.
Suno kay Nemadia, wala man sang may naguba ukon naanod nga balay apang may isa ka balay nga human sa light materials nga naghilay.
Ginpahayag ni Nemadia nga apektado ang palangabuhi-an sang mga residente ilabi na ang ila ginasagod nga kasapatan.
Bangud sini, ginapanugyan sang Punong Barangay nga mag-evacuate sa mas safe nga lugar ang mga naga-istar malapit sa higad sang suba.
