ILOILO CITY – Nagapasalamat si Iloilo City Mayor Jerry Treñas bangud sa pagnegatibo sa COVID-19 matapos nagpakuha sang swab sample.
Ang maayo nga balita ang eksklusibo nga ginkumpirma sang alkalde sa Bombo Radyo.
Magluwas kay Treñas, nagnegatibo man sa COVID-19 ang tanan nga close contact lakip na diri ang pamilya sang alkalde kag mga office staff.
Ginpanugyan naman sang doktor nga magpahuway anay ang alkalde tubtub sa Agosto 14.
Nahibalu-an nga si Treñas ang nagpaidalom sa COVID-19 test kag quarantine matapos nagpadulong sa iya opisina ang isa ka empleyado sang AC Energy nga nagpositibo sa nasambit nga virus.
