PASSI CITY – Ginakabig sang Local Government Unit sang Passi City nga makaalarma ang pagtaas sang kaso sang Coronavirus Disease 2019 (COVID-19).
Ini ang kasunod sang na record nga ika-tatlo nga indigenous case kag kadungan sini, napagkit man ang ika-16 nga COVID-19 case sa nasambit nga component city.
Sa interview sang Bombo Radyo kay Mayor Stephen Palmares, iya ginpahayag nga sa 16 ka COVID-19 cases, lima na lang ang makabig nga active cases kun sa diin ang apat ang asymptomatic samtang nakitaan naman sang mild symptoms ang isa ka pasyente.
Bangud sini suno kay Palmares, nadesisyunan niya nga imandu ang indefinite suspension sa pagpatigayon sang tanan nga sahi sang mass gatherings lakip na diri ang church activities.
Sa pagpaatahg sang alkalde, indefinte suspension ang iya ginmandu bangud nga indi man mahibalu-an kun san-o mauntat ang paglapta sang virus.
Kasunod sang ika-tatlo nga local case, ginpahayag sang natungdan nga gin-lockdown na ang pila ka balay sa barangay kun sa diin nagapauli ang pasyente samtang ang ika-16 naman nga COVID-19 case sa Passi City amo ang isa ka call center agent nga nagatrabaho sa syudad sang Iloilo.
Apisar sini, gin-athag ni Palmares nga bukas na ang city hall kag ang public market matapos gin-lockdown.
