ILOILO CITY – Nagsaka sa 2,130 ang kumpirmado nga kaso sang Coronavirus Disease 2019 (COVID-19) sa Western Visayas matapos nga 812 gikan sa 896 ka laboratotry results ang nagnegatibo.
As of August 10, 84 ka panibag-o nga kaso ang nagdugang kun sa diin 30 ang naghalin sa Iloilo City, 23 sa Iloilo, 21 sa Negros Occidental, 6 sa Bacolod City kag 2 sa Capiz.
Naglab-ot sa 1,063 ang total active cases samtang nagsaka sa 1,035 ang recoveries matapos nga 45 ang nagdugang kag nadugangan sang isa ang ginbawi-an sang kabuhi kun sa diin 32 na ang kabug-usan nga numero.
Ang pasyente nga ginbawi-an sang kabuhi amo si Patient no. 2,017 – 48 anyos nga lalaki sang Bacolod City.
Sa subong, ang Aklan ang may 8 ka COVID-19 cases, Antique nga may 16, Capiz nga may 10, Guimaras nga may 5, Iloilo Province nga may 138, Negros Occidental nga may 38, Bacolod City nga may 199, Iloilo City nga may 287, ROFs, LSIs kag APORs nga may 1,384 samtang 31 naman ang nalakip sa Tagged to other regions.
