ILOILO CITY – Naglab-ot sa 10 ang active COVID-19 cases nga na record sa QualiMed Hospital – Iloilo nga isa sa mga COVID hosital sa Western Visayas.
Sa interview sang Bombo Radyo kay Dara Coloso, Physicians and Customer Relations Associate Manager sa nasamit nga hospital, iya ginpahayag nga indi lang niya mahatag ang specific nga detalye tuhoy sa 10 ka active COVID-19 cases apang nagapadayon sa subong ang contat tracing.
Suno kay Coloso, ang tagsa ka COVID-19 positive ang may yara sang nagakalain-lain nga close contacts kun sa diin indi malikawan nga malatnan man sang virus ang mga medical staff.
Ang iban sa mga medical staff nga una nga nagpositibo sa virus ang nagnegatibo na sa ika-duha nga confirmatory test samtang may iban naman nga nagahulat pa sa resulta sang ila COVID-19 test.
Ginpahayag ni Coloso nga ang mga COVID-19 positive ang yara na sa isolation facility kag bangud sini, temporaryo anay nga ginsiraduhan ang emergency kag operating room agud hatagan sang ligwa ang pagpaninlo.
Apisar sang extension nga ginahimo, ang COVID-19 ward suno sa natungdan ang full capacity na sa subong.
