ILOILO CITY – 68 ka panibag-o nga kaso sang Coronavirus Disease 2019 (COVID-19) ang na record sa Western Visayas rason nga naglab-ot na sa 2,586 ang kabug-usan nga numero.
As of August 14, 717 ang nagnegatibo gikan sa 792 ka laboratory results kun sa diin 75 ang nagpositibo apang pito diri ang nagpositibo sa repeat test.
Nagsaka naman 1,183 ang naka-recover matapos nga 19 ang nagdugang sa listahan samtang nagapabilin man sa gihapon sa 34 ang patay.
Sa 68 ka panibag-o nga kaso, 27 ang gikan sa Negros Occidental, 16 sa Iloilo City, 13 sa Bacolod City, 10 sa Iloilo Province kag 2 sa Capiz.
Naglab-ot naman sa 1,369 ang total active cases sa bug-os nga rehiyon.
Sa subong, ang Aklan ang may 8 ka COVID-19 cases, Antique nga may 18, Capiz nga may 11, Guimaras nga may 11, Iloilo Province nga may 223, Negros Occidental nga may 143, Bacolod City nga may 245, Iloilo City nga may 501, ROFs, LSIs kag APORs nga may 1,426 kag 33 ang nalakip sa Tagged to other regions.
