Nagpadulong sa Bombo Radyo ang isa ka lalaki agud nga i-reklamo ang nag gamit sang iya identification card (ID) agud nga mang-scam.
Sa interview sang Bombo Radyo kay Kenneth Gabitanan, tagreklamo, iya ginpahayag nga madugay na nga nadula ang iya ID kag natukiban na lang nga may yara sang nagagamit sang iya pangalan agud nga magpanunto.
Ang scammer suno kay Gabitanan ang nagabaligya sang face shield kag may nabiktima naman ini nga isa ka babaye.
Dugang pa sang natungdan, nakapadala pa ang biktima sang makatatlo ka beses sang kwarta sa scammer sa diin una diri amo ang P17,500, ginsundan sang P4,000 kag P2,700.
Nagpanawagan si Gabitanan sa tanan nga mga nabiktima man sang amo nga scammer nga nagagamit sang iya pangalan nga kuntani makig-angot sa iya agud nga mahatagan sang leksyon ang scammer.
