Chinese shoppers nagpabutyag sang pagkadismaya matapos makitaan sang virus ang imported frozen food

Nagpabutyag sang pagkadismaya ang pila ka mga Chinese shoppers bangud sa virus nga natukiban sa imported frozen food.

Duha ka mga syudad sa China ang nakakita sang virus sa frozen chicken wings nga gikan sa Brazil kag pasayan sa Ecuador.

Suno kay Wang Chao, residente sang Shanghai, pili-on na lang niya subong ang local nga produkto ipaanggid sa mga gina-import agud masiguro nga hilway sa COVID-19.

Nagpakig-angot naman sa Brazil si Zhao Lijian, tagpamaba sang Chinese foreign ministry apang wala ini sang nangin komento kun bala dumili-an ang pag import sang mga produkto.