PASSI CITY – Nagpositibo sa COVID-19 ang 6 ka mga naka-close contact sang isa ka COVID-19 patient sa syudad sang Passi.
Sa interview sang Bombo Radyo kay Passi City Mayor Stephen Palmares, iya ginpahayag nga nag-desisyon ang local government unit sang Passi nga i-lockdown ang isa ka block sa Barangay Poblacion Ilaya kun sa diin naga-istar ang pamilya sang COVID-19 positive.
Suno kay Palmares, katuyuan sang lockdown amo nga ma punggan ang paglapta sang virus.
Matandaan nga sang damlag lang, isa ka 23 anyos nga babayi kag medical frontliner sa amo nga component city ang ginreport nga infected sang virus, rason nga ginpaidalom man sa swab test ang iya pamilya kag kasilingan.
Sa subong, nagapabilin nga asymptomatic ang 6 ka mga COVID-19 positive.
