ILOILO CITY – Nagsaka sa 2,720 ang kumpirmado nga kaso sang Coronavirus Disease 2019 (COVID-19) sa Western Visayas matapos nga 134 ang nagdugang sa listahan.
As of August 15, 802 gikan sa 952 ka laboratory results ang nagnegatibo kun sa diin 150 ang nagpositibo apang 16 diri ang nagpositibo sa repeat test.
Naglab-ot naman sa 1,217 ang numero sang naka-recover matapos nga 34 ang nagdugang samtang nagsaka sa 36 ang patay matapos nga duha ang nagdugang sa listahan.
Sa 134 ka panibag-o nga kaso, 67 ang naghalin sa Bacolod City, 24 sa Iloilo City, 22 sa Negros Occidental, 15 sa Iloilo kag 3 sa Capiz.
Sa subong, ang Aklan ang may 9 ka COVID-19 cases, Antique nga may 19, Capiz nga may 14, Guimaras nga may 12, Iloilo Province nga may 231, Negros Occidental nga may 161, Bacolod City nga may 298, Iloilo City nga may 525, ROFs, LSIs kag APORs nga may 1,451 kag 33 ang nalakip sa Tagged to other regions.
