Mas ginhugtan sang South Korea ang pagpatuman sang coronavirus measures sa capital city nga Seoul kag sa kaiping nga mga lugar bangud sa mataas nga daily infections sa sulod sang lima ka bulan.
Lakip sa mga ginpatuman sa capital area amo ang social distancing guidelines lakip na ang pagdumili sa gatherings kag mga aktibidad kasubong sang professional sports.
Ang nasambit nga lihok ang kasunod sang 166 new cases nga na record kun sa diin ini ang highest daily figure humalin sang Marso.
Suno kay Prime Minister Chung Sye-kyun, yara sa “critical juncture” ang South Korea kun away sa COVID-19 pandemic ang pagahambalan.
Bangud sini, ginpahayag ni Prime Minister Chung nga prayoridad sa subong ang pagpatigayon sang disinfection kag iban pa nga preventive measures sa Seoul region nga may populasyon nga 51 million.
Apisar sang outbreak kag sa pagdumili sa pagpatigayon sang large gatherings, linibo ka right-wing protestors ang nag-rally batok sa centre-left government ni President Moon Jae-in.
Sa subong, ang South Korea ang may 15,039 COVID-19 cases, naglab-ot naman sa 13,901 ang naka-recover samtang 305 naman ang ginbawi-an sang kabuhi.
