POLAND – Natigayon nga maselyuhan ang defense cooperation deal sa tunga nanday U.S. Secretary of State Mike Pompeo kag sang mga Polish officials para sa redeployment sang American troops gikan sa Germany padulong sa Poland.
Mismo sanday Pompeo kag Polish Defense Minister Mariusz Blaszczak ang nagpirma sa Enhanced Defense Cooperation Agreement para sa legal framework sang dugang nga troop presence.
Suno kay Poland President Andrzej Duda, ang nasambit nga kasugtanan ang isa ka garantiya sang dugang nga seguridad lakip na diri ang dugang nga investment kag trade ties.
Ang nasambit nga kasugtanan ang nasanto sa NATO Status of Forces Agreement nga nagapahanugot sang enhancement kag modernization sang existing capabilities kag facilities paagi sa pagpahanugot sa U.S. forces nga maka-access sa Polish military installations.
Sakop man diri ang sharing sa logistical kag infrastructure costs sang expanded U.S. presence sa Poland.
Nauna na nga ginpahayag ni US President Donald Trump nga natigayon ang nasambit nga kasugtanan matapos ang pila ka bulan nga negosasyon.
