BUENAVISTA, GUIMARAS – Required ang pagsuksok sang face mask kag face shield sa pagsulod sa munisipyo, merkado publiko kag sa pagpadulong sa Buenavista Wharf sa Guimaras.
Sa interview sang Bombo Radyo kay Mayor Eugene Reyes, iya ginpahayag nga may yara siya sang Executive Order nga ginpirmahan nga epektibo Agosto 17, mandatory ang pagsuksok sang face mask kag face shield sang tanan nga may transaksyon sa munisipyo, merkado publiko kag bisan sa pagpadulong sa pantalan.
Suno kay Reyes, ang nasambit nga lihok ang kabahin sang precautionary measures agud nga indi na madugangan ang COVID-19 sa probinsya.
Ginpahayag ni Reyes nga sa subong, padayon ang contact tracing kag ang pagkuha sang swab sample sa tanan nga identified close contacts sang mga COVID-19 positive sa Iloilo Fish Port Complex.
