ILOILO CITY – Siraduhon buwas nga adlaw, Agosto 17, ang ika-duha nga panal-gan sang Iloilo City Hall para sa disinfection.
Sa interview sang Bombo Radyo kay Iloilo City Mayor Jerry Treñas, iya ginpahayag nga ang mga empleyado nga nagatrabaho sa ika-duha nga panalgan ang ginapanugyan nga indi na lang magbalik sa trabaho.
Ang mga empleyado nga na-assign sa iban nga panalgan ang ginapanugyan nga mag early-out agud hatagan sang ligwa ang disinfection sa bug-os nga building.
Ang regular office hours sa ika-duha nga panalgan ang magapadayon sa Agosto 18.
Samtang, indi pa makumpirma sang alkalde kun bala COVID-19 ang ginkamatay sang anak ni Punong Barangay Noel Soliman sang Rizal Pala-Pala II sa City Proper.
Ginpahayag ni Treñas nga ang iya lang makumpirma amo nga nagtaliwan ang anak sang Punong Barangay nga si Michael kag sa subong, wala pa ang confirmatory test sang pasyente.
Santo naman sa Facebook post sang Punong Barangay, negatibo ang resulta sang Rapid test sang iya anak.
