Suspendihon sang Philippine Red Cross ang COVID testing para sa mga myembro sang Philippine Health Insurance Corp. (PhilHealth) matapos mapaslawan ang ahensya nga baydan ang utang sini balor P700 million.
Suno kay Senator Richard Gordon, bangud sa indi pagbayad sang PhilHealth, indi man mahimo nga maka-order ang Philippine Red Cross sang ila test kits kag mapilitan man nga magsirado ang testing centers sa Manila.
Nagakabalaka ang senador kun paano maka operate ang Philippine Red Cross kun indi bastante ang test kits kag kun wala man sang kwarta nga inug-bayad sa mga medical technologists kag iban nga mga staff.
Nangin maayo sa tanan nga aspeto ang Philippine Red Cross dugang ni Gordin apang indi niya mabatas nga magpadayon pa ang PhilHealth bangud sa pagkapaslaw sini nga baydan ang ila obligasyon.
