Ang nutrisyon kag ehersisyo ang lunsay importante ilabi na sa pag pa-improve sang ikaayong lawas sang tawo.
Apang may yara sang ika-tatlo nga factor nga makahatag sang overall wellness — ina amo ang pag-angkon sang bastante nga tulog.
Suno kay General Internal Medicine kag IFM Certified Medicine Practitioner Dr. Oyie Balburias, ang tulog, nutrisyon kag ehersisyo ang tatlo ka mga factors sa aton ikaayong lawas.
Dapat nga mangin balanse ang tatlo ka mga factors agud nga mangin healthy pahayag sang doktor.
May yara man sang insakto nga oras sa pagtulog kag pagbugtaw suno kay Dr. Balburias — ina amo ang alas-9 sang gab-i tubtob alas 6 sa aga.
Kun late na nagatulog ang tawo, ang mga pagkaon nga iya ginkaon ang indi na ma metabolized rason nga nagadugang ang bug-at sini.
Nagahina man ang immune system sang tawo kun tatlo tubtob apat ka oras lang ang iya nga tulog bangud indi na makahimo pa sang nagkalain-lain nga immune cells ang lawas.
