Gin-ako sang aktres nga si Bea Alonzo nga nagakabatyag siya sang huya kun ginasunlog kay Pasig City Mayor Vico Sotto.
Matandaan nga madamo ang ginkilig sa una nga pagkitaay sang aktres kag ni Mayor Vico sang Hunyo 20, 2020.
Suno kay Bea, wala sang ‘something’ sa ila ni Vico bangud nga nagdul-ong lang siya sang donasyon sa Pasig City.
Nag-ugat ang pag-angot sang iya pangalan sa alkalde bangud sa gin-post niya nga picture kaupod si Vico kag may caption pa nga ‘Ma, nakita ko na yung paborito ninyo.’
Mismo ang mga abyan ni Bea ang nag comment man sa iya nga post sa instagram.
Apang wala man gin-deny sang aktres nga napabilib siya sa maayo nga pagdumala ni Mayor Vico sa Pasig City.
