ILOILO CITY – Magabukas na subong nga adlaw ang Iloilo Fish Port Complex matapos nga ginpa-idalom sa lockdown bangud sa mga kaso sang COVID-19 nga na rekord.
Sa interview sang Bombo Radyo kay Iloilo City Mayor Jerry Treñas, iya ginpahayag nga pahanugutan na sang Iloilo City Government ang pagbukas sang Iloilo Fish Port Complex subong nga adlaw bangud nakit-an sang COVID-19 team nga handa na ini.
Suno kay Mayor Treñas, nakadepende na sa pamunuan kun buksan naman para sa mga boluntero ang Iloilo Fish Port Complex.
Ginasiguro sang pamunuan nga masunod ang minimum health protocol kadungan sang pagbukas sang Iloilo Fish Port Complex.
