Ginlaslasan ni Presidente Rodrigo Duterte ang human rights advocates bangud sa mga kritisismo sa kampanya kontra iligal nga droga sang iya administrasyon.
Sa public briefing sang Presidente kagab-i, iya ginpahayag nga sa baylo i-criticize ang kampanya sang gobyerno, umpisahan nga magpatigayon sang education drives batuk sa paggamit sang droga.
Mas ginakabalak-an pa sang human rights advocates suno sa Presidente ang pinatyanay ipaanggid sa mga inosente nga biktima sang mga nagagamit sang iligal nga droga.
Liwat nga nagpaandam si Presidente Duterte sa mga drug dealers nga iya ini patyon.
