ILOILO CITY – Nagnubo ang na record nga daily COVID-19 cases sa syudad sang Iloilo.
Sa interview sang Bombo Radyo kay Public Safety and Transportation Management Office head Jeck Conlu nga nagaserbe man nga focal person for COVID-19 sang Iloilo City Government, iya ginpahayag nga kun basehan ang data, mas manubo ang 14 ka COVID-19 cases nga na record as of August 18 kun ipaanggid sa 27 nga na record sang Agosto 17.
Suno kay Conlu, nagapakita lamang ini nga nangin epektibo ang ginapatigayon nga contact tracing kag ang ginapatuman nga lockdown apisar nga madamo ang nagareklamo.
May kaangtanan naman sa isa ka bulan nga lapsag nga nagpositibo sa virus, ginpahayag ni Conlu nga naka-admit na sa hospital ang bata kaupod ang iloy.
Santo sa pagpangusisa, may yara sang kiosko sa Iloilo Terminal Market ang lola sang lapsag nga amo ang nakalaton sang COVID-19.
