ILOILO CITY – Kinahanglan nga sundon sang tagsa ka Center for Health and Development ang template nga ginagamit sang central office sang Department of Health may kaangtanan sa pagpaguwa sang COVID-19 update.
Ini ang sabat ni Dr. Jessie Glen Alonsabe, pinuno sang Regional Epidemiology and Surveillance Unit sang Department of Health Region 6, tuhoy sa mga reklamo may kaangtanan sa indi detalyado nga case bulletin.
Sa interview sang Bombo Radyo kay Alonsabe, iya ginpahayag nga ang pagpaguwa sang detalyado nga report tuhoy sa COVID-19 positive ukon sa pasyente nga naka-recover ukon ginbawi-an sang kabuhi ang ginatugyan na sa tagsa ka Local Government Unit.
Suno kay Alonsabe, apisar nga indi mandatory, may yara sang mandu ang central office nga dapat uniform ukon alalangay ang pagpaguwa sang case bulletin ukon Standardizing Regional Case Bulletins.
Ang bag-o nga template ang una nga ginpaguwa sang Agosto 14.
