ILOILO CITY- Nabalaka si Senator Risa Hontiveros sa posibilidad nga wala na sang may mabilin nga opisyal nga magadumala sang Philippine Health Insurance Corporation ukon PhilHealth sa tunga sang ginapatigayon nga imbestigasyon angot sa mga anomaliya sa ahensya.
Sa interview sang Bombo Radyo Iloilo kay Sen. Hontiveros, iya ginpahayag nga sang Lunes, nagfile sang leave ang anom ka mga regional vice-presidents sang Philhealth.
Suno kay Hontiveros, natalana man nga mag-file sang leave ang executive committee sa masunod nga mga inadlaw.
Pahayag ni Hontiveros, nahangpan niya nga kinahanglan nga wala sang impluwensiya sang bisan sin-o man ang ginapatigayon nga imbestigasyon apang wala nagakahulugan nga dapat mapiang man ang operasyon sang PhilHealth.
