ILOILO CITY – Nagsaka sa 3,257 ang kumpirmado nga kaso sang Coronavirus Disease 2019 (COVID-19) sa Western Visayas matapos nga 105 ka panibag-o nga kaso ang nagdugang.
As of August 21, 665 gikan sa 785 ang nagpositibo kun sa diin sa 120 ka nagpositibo, 15 diri ang ginpaidalom sa repeat test.
Sa 105 ka panibag-o nga kaso, 103 ang Local, isa ang Authorized Person Outside Residence, isa ang Locally Stranded Individual kag isa ang Returning Overseas Filipinos.
Naglab-ot sa 1,746 ang total active cases, nagsaka sa 1,458 ang numero sang naka recover matapos nga 16 ang nagdugang kag nagsaka naman sa 53 ang numero sang ginbawi-an sang kabuhi matapos nga tatlo ang nagdugang.
Sa subong, ang Aklan ang may 9 ka COVID-19 cases, Antique nga may 25, Capiz nga may 18, Guimaras nga may 33, Iloilo Province nga may 308, Negros Occidental nga may 277, Bacolod City nga may 446, Iloilo City nga may 669, ROFs, LSIs kag APORs nga may 1,472 kag 34 ang nalakip sa Tagged to other regions.
