Sputnik V, protektado ang lawas sang tawo sa sulod sang duha ka tuig

RUSSIA – Protektado sa sulod sang duha ka tuig ang isa ka tawo kun nakapabakuna ini sang Sputnik V sang Russia.

Suno kay Professor Denis Loginov, deputy director sang Gamaleya Research Institute, ang tanan nga indibidwal nga nagpabakuna ang wala sang may nakit-an nga side effects magluwas sa sakit nga nabatyagan sa injection area, hyperthermia ukon pagtaas sang body temperature kag sakit sa ulo apang indi ini makonsidera nga seryoso.

Pahayag niya, naka-develop sang antibodies batuk sa virus ang tanan nga nagpabakuna gamit ang Sputnik V.

Ang antibodies ang natukiban nga makakuha sang COVID-19 virus sa lawas.

Bangud sa maayo nga resulta sang Sputnik V, na-rehistro na ini sa Russia kag gin-certify bilang emergency use.