ILOILO CITY – Gin-athag ni Punong Barangay Joseph Porral nga madugay na nga ginbuksan ang Locsin Avenue sa Brgy. Tacas, Jaro, Iloilo City .
Ini ang may kaangtanan sa na record nga COVID-19 cases sa mga empleyado sang National Irrigation Administration Region 6.
Sa interview sang Bombo Radyo kay Porral, iya ginpahayag nga bisan ginsiraduhan sadto ang Locsin Avenue, wala man ini sang daku nga epekto sa ila lugar.
Suno kay Porral, ang mga apektado lamang sa pagsirado sang Locsin Avenue amo ang mga empleyado sang nasambit nga ahensya nga nagadayon sa nasambit nga lugar.
Ginpahayag ni Porral nga may pila pa ka mga indibidwal nga nagahulat sang resulta sang ila nga COVID-19 test samtang ang iban naman nga nalakip sa contact tracing ang nagnegatibo na sa confirmatory test.
Sa subong, ginpahayag sang Punong Barangay nga wala na sang may nabilin nga COVID-19 positive sa ila lugar.
