ILOILO CITY – 97 ka panibag-o nga kaso sang Coronavirus Disease 2019 (COVID-19) ang na record kun sa diin naglab-ot na sa 3,651 ang kabug-usan nga numero.
As of August 25, 99 gikan sa 985 ka laboratory results ang nagpositibo kun sa diin 97 lang ang makabig nga new cases.
Sa 97 ka panibag-o nga kaso, 1 ang halin sa Aklan, 3 sa Capiz, 1 sa Guimaras, 18 sa Iloilo, 28 sa Negros Occidental, 15 sa Bacolod City kag 31 sa Iloilo City.
Nagsaka sa 1,553 ang numero sang naka-recover matapos nga 23 ang nagdugang kag nagsaka man sa 55 ang numero sang ginbawi-an sang kabuhi matapos nga isa ang nagdugang sa listahan.
Naglab-ot naman sa 2,043 ang total active cases sa Rehiyon 6.
Sa subong, ang Aklan ang may 9 ka COVID-19 cases, Antique nga may 26, Capiz nga may 35, Guimaras nga may 41, Iloilo Province nga may 363, Negros Occidental nga may 360, Bacolod City nga may 561, Iloilo City nga may 764, ROFs, LSIs kag APORs nga may 1,492 kag 34 ang nalakip sa Tagged to other regions.
