ILOILO – 65 na nga mga accommodation establishments sa probinsya sang Iloilo ang nagkomiter nga mabaton sang returning overseas filipinos agud nga magserbe nga quarantine facility.
Sa interview sang Bombo Radyo kay Iloilo Gov. Arthur Defensor Jr., iya ginpahayag nga bangud sa problema sa quarantine facilities kag puno na ang mga hotel kag iban nga mga accommodation establishments sa syudad, nakig-angot ang Overseas Workers Welfare Administration sa probinsya sang Iloilo.
Suno kay Defensor, ang mga returning overseas filipinos nga indi taga syudad sang Iloilo ang ideretso na lang gilayon sa tagsa ka mga local government unit kag didto na i-quarantine.
Sa subong, padayon nga nagapakig-angot ang probinsya kag OWWA sa iban nga mga resorts kag hotels sa probinsya.
