Aprubado na sa committee level sa Kamara ang hagna nga may katuyuan nga protektahan ang entertainment industry workers kasunod sang pagtaliwan sang beterano nga aktor nga si Eddie Garcia.
Suno kay Film Development Council of the Philippines chairperson Liza Diño-Seguerra, ang Actors Occupational Safety and Health Standard Bill ukon “Eddie Garcia Bill” ang pasado na sa labor and employment panel.
Sa idalom sang House Bill 1941, may yara dapat sang safety kag medical personnel nga naka-deploy sa tanan nga lugar nga ginatrabahu-an sang mga artista.
Magluwas sini, dapat nga may yara man sang mandatory personnel kag production insurance coverage.
Sa tion nga may yara sang aksidente sa set, kinahanglan nga ang korporasyon ukon producer ang magabayad sang full hospital bill sang employee.
Nahibaluan nga ang 90-anyos nga aktor ang nagtaliwan sang Hunyo 2019 matapos nga ini ang nasandad kag natumba samtang yara siya sa set.
