Gina-agda ni Tubungan Mayor Roquito Tacsagon ang tanan nga mga taga Tubungan, Iloilo nga makigbahin sa blood letting activity sang banwa kaupod ang Dugong Bombo sang Bombo Radyo Philippines subong nga adlaw.
Sa interview sang Bombo Radyo kay Mayor Tacsagon, iya ginpahayag nga maga-umpisa ang registration alas-8 subong nga aga sa Municipal Covered Gym.
Suno kay Tacsagon, nagalaom ini nga mangin mabinungahon ang aktibidad ilabi na nga may na-una na nga masobra 100 ka tawo nga nag komiter nga magadonar sila sang dugo.
Dugang pa sang natungdan, ginasiguro niya nga sa subong nga aktibidad, padayon nga igapatuman ang minimum health standards kaangay sang physical distancing kag pagsuksok sang face mask.
