20 na nga mga driving schools ang na-accredit sang Land Transportation Office Region 6.
Sa interview sang Bombo Radyo kay Ms. Riza Otayde, tagpamaba sang Land Transportation Office Region 6, iya ginpahayag nga sa pagpa-enroll sa driving school, dapat siguraduhon nga may yara sang provisional authority ini halin sa ahensya nga nagasiling nga handa ini nga mag-operate.
Sa motor vehicle pinaagi sa practical driving course sa sulod sang walo ka oras, P4,000 ang bayad sini sa isa ka driving school; P3,000 naman ang bayad sa tig-apat ka oras sa motor vehicle kag motorycle kun ang restriction code nga gina-applyan amo ang restriction codes 1 kag 2; kun motorcycle lang gid nga restriction code 1, P2,000 ang walo ka oras samtang ang theoretical driving course nga 15 ka oras ang nagabalor P2,000.
Gani sa luyag nga magkuha sang student permit suno kay Otayde, kinahanglan gid ang certificate of completion nga ginahatag pagkatapos sang theoretical driving course nga 15 ka oras.
