Nag-isyu sang position letter ang pila ka mga fish brokers sa Iloilo Fish Port Complex matapos nga ginpa-timprano ang fish trade ukon baligyaanay sang isda.
Sa interview sang Bombo Radyo kay Dr. Justo Anaquita, tagpamaba sang Iloilo Fish Port Complex, iya ginpahayag nga nabaton na sang pamunuan ang sulat sang mga fish broker apang nagapanindugan ini nga ginasunod lang nila ang na-istoryahan sang COVID-19 team sang syudad.
Suno kay Anaquita, nagapangabay lang sila sa mga fish broker nga sundon na lang ang ginbalay nga protocol bangud ini ang mandu sang Iloilo City Government.
Nahibaluan nga ang ala-una sang hapon tubtob alas-6 na lang sang kasisidmon ang baligyaanay sang isda sa Iloilo Fish Port Complex.
