Nagapabilin nga yara sa maayo nga kondisyon ang ikaayong lawas ni Presidente Rodrigo Duterte bangud ginasunod sini ang abiso sang iya doctor nga likawan ang alcohol.
Ini ang pagpahayag ni Presidential Spokesman Atty. Harry Roque.
Suno kay Roque, alkalde pa lang sang Davao City si Duterte sang siya ang gin-abisohan sang doctor nga mag-untat sa pag-inom sang alcohol agud malikawan nga mag-develop sa cancer ang iya nga balati-an.
Pahayag pa niya, clean living sa subong ang Presidente sa diin wala ini nagapanigarilyo kag wala man naga-inom sang makahulubog nga ilimnon.
Liwat naman nga ginpanginwala sang Malacañang ang mga huring-huring tuhoy sa malala nga kondisyon sang ikaayong lawas sang 75-anyos nga Presidente lakip na ang ginapahayag pagpadulong sini sa Singapore agud magpabulong.
