ILOILO CITY – Posible nga ipaidalom na lang sa Modified General Community Quarantine gikan sa General Community Quarantine ang syudad sang Iloilo umpisa Setyembre 1-30.
Ini ang ginkumpirma ni Iloilo City Mayor Jerry Treñas kasunod sang advance information nga iya nabaton.
Sa interview sang Bombo Radyo kay Treñas, iya ginpahayag nga ang nasambit nga impormasyon ang santo sa rekomendasyon sang Inter-Agency Task Force.
Sa tion nga ipaidalom na sa Modified General Community Quarantine ang bug-os nga syudad, pahalugan na ang ginapatuman nga quarantine restrictions kag padayunon ang pagpatigayon sang community kitchen.
Lakip sa pagabag-uhon amo ang pagdula sang liquor ban kag ang pag-isol sang curfew hours.
