Bangud sa COVID-19 pandemic, madamo sang mga tourism businesses ang nag shut down ilabi na ang mga hotel kag resorts.
Apang may yara sang hotel didto sa Kerala, India ang nakapanumdom sang pamaagi agud nga indi maputo ang iya nga negosyo.
Sang Marso, kinahanglan nga mag shut down ang hotel bangud sa nationwide coronavirus lockdown.
Apang agud nga may yara sa gihapon sang income ang mga empleyado, na-desisyonan sang tagdumalahan nga ang 7.5 million-litre swimming pool ang himuon nga… fish pond.
Suno kay Jyotish Surendran, general manager sang hotel, Hunyo sang nag-umpisa ang hotel nga himuon fish pond ang ila nga swimming pool kag plano na nga i-harvest ang mga isda sa Nobyembre kag natalana man nga i-export sa Middle East.
Ginabanta 4 million tonelada sang pearl fish ang ma harvest kag ini ang ibaligya sang $40,000 ukon P1.9 million sa Middle East.
Pahayag ni Surendran, bastante lang ang amo nga kantidad agud ma tabonan ang napierde sang negosyo.
Dugang pa sang natungdan, ang pool ang naga-laba sang 150 metros kag may kalapadon nga 50 metros sa diin pagkatapos sang consultation sa mga eksperto, nadesisyonan sang tagdumalahan nga butangan sang fresh water ang pool gikan sa Vembanad lake agud nga mabuhi ang mga isda.
Indi kaangay sa iban nga mga hotel kag resort sa diin nadulaan sang trabaho ang ila mga empleyado, ang ini nga management sang hotel sa India ang nagahatag sang importansya sa ila mga trabahador sa doom padayon nga may gina-income ang negosyo pinaagi sa ideya sang ila tagdumalahan.
