Lying in clinic ginakadto-an sang kadam-an bangud sa mga ospital nga wala nagabaton temporaryo sang pasyente

Nagdamo ang pasyente sang mga lying in clinic bangud sa indi pagbaton temporaryo sang mga ospital sa syudad sang Iloilo sang mga non-covid patients kaangay sang mga iloy nga manug-bata.

Sa interview sang Bombo Radyo kay Grejilda Benal, isa ka midwife, iya ginpahayag nga “no prenatal, no delivery” kuntani sa iya nga lying in clinic apang may mga bes kun kaisa nga emerhensya gid kag ang ulo sang bata ang manug guwa na, rason nga kinahanglan gid niya nga buligan ang iloy.

Suno kay Benal, kaangay sa hospital, kinahanglan man niya sang resulta sa laboratory examination sang isa ka iloy antes ini magbata ukon resulta sang RT-PCR test.

Dugang pa sang natungdan, kinahanglan nga may yara man sang certificate gikan sa punong barangay ang iloy nga nagapamatuod nga indi ini probable ukon suspected case sang COVID-19.