ILOILO CITY – Nagsaka na sa 4,253 ang kumpirmado nga kaso sang Coronavirus Disease 2019 (COVID-19) sa Western Visayas matapos nga 180 ang nagdugang sa listahan.
As of August 29, 184 gikan sa 1,121 ka laboratory results ang nagpositibo apang 180 lang diri ang makabig nga new cases.
107 naman ang nagdugang sa numero sang mga naka-recover kun sa diin 2,239 na ang kabug-usan nga numero samtang 6 ang nagdugang sa numero sang casualty nga sa subong, naglab-ot na sa 66 ang kabug-usan nga numero.
Sa 180 ka panibag-o nga kaso, 5 diri ang gikan sa Iloilo, 28 gikan sa Negros Occidental, 131 sa Bacolod City kag 16 sa Iloilo City.
Sa pangkabug-usan, ang Aklan ang may 10 ka COVID-19 cases, Antique nga may 27, Capiz nga may 52, Guimaras nga may 43, Iloilo Province nga may 400, Negros Occidental nga may 434, Bacolod City nga may 899, Iloilo City nga may 855, ROFs, LSIs kag APORs nga may 1,533 kag 38 ang nalakip sa Tagged to other regions.
