ILOILO CITY– Nagapanghanda na ang Iloilo City Goverment sa posible pagpaidalom sa syudad sang Iloilo sa Modified General Community Quarantine sa Setyembre 01.
Sa interview sang Bombo Radyo kay Iloilo City Mayor Jerry Treñas, iya ginpahayag nga nagkonsulta man siya sa COVID team agud maplastar man ang mangin kahimtangan sang syudad.
Suno kay Treñas posible nga magasugod ang curfew las 10:00 sang gab-i lakip na ang pagdula sang ginapatuman nga liquor ban, kag ang pagpahanugot sa mga restaurants nga kutob sa 75% sang ila capacity ang pagpadine-in sa mga customers.
Plano man sini suno sa alkalde nga makigsapol sa mga managers sang mga radio and tv stations lakip na ang print media agud magpangayo sang bulig sa pagpahibalo sa mga pumuluyo sang mga protocols nga dapat sundon sa bag-o nga quarantine classifications.
