ILOILO CITY– Padayun nga nagapang handa ang syudad sang Iloilo sa pag-abot pa sang iban nga mga Locally Stranded Individuals (LSI) gikan sa Metro Manila kag iban pa nga bahin sang pungsod.
Sa interview sang Bombo Radyo kay Iloilo City Mayor Jerry Treñas, iya ginpahayag nga sa bahin sang testing sang mga naga-abot nga LSI, mapangitaan ini sang pamaagi sang syudad, ilabi na ang mga test kits nga kinahanglanon.
Suno kay Treñas, importante nga ang mga naga-sugat sa ila ang naka full Personal Protective Equipment lakip naga kuha sang swab sample kag ang mga in-charge sa quarantine facilities.
