ILOILO CITY – Amat-amat na nga naga-ayo ang medical condition ni Iloilo City Vice Mayor Jeffrey Ganzon matapos nagpositibo sa Coronavirus Disease 2019 (COVID-19).
Sa interview sang Bombo Radyo kay Mayor Jerry Treñas, iya ginpahayag nga ginpahibalo siya sang pamilya nga asymptomatic si Ganzon.
Suno kay Treñas, santo sa iya impormasyon, makaduha ka bes nga ginkuhaan sang swab sample si Ganzon bangud nga ang una nga resulta ang indi maathag kag sa ika-duha nga COVID-19 test, diri na nakumpirma nga nagpositibo sa virus ang Bise Alkalde.
Ginpahayag ni Treñas nga sa subong, nagapabilin sa hospital si Ganzon nga una nga nakabatyag sang hilanat kag pagpalanuka tuga sang bacterial infection.
