ILOILO CITY – Magapaguwa sang panibag-o nga Executive Order si Mayor Jerry Treñas sa tion nga pormal na nga ideklarar sang Inter-Agency Task Force nga ipaidalom sa Modified General Community Quarantine ang bug-os nga syudad sang Iloilo.
Lakip sa mga pagabag-o suno sa alkalde amo ang probisyon sang Executive Order may kaangtanan sa ginapatigayon nga Curfew, Liquor Ban, customer capacity nga mahimo makasulod sa tagsa ka mga commercial establishment kag iban pa.
Posible nga sa masunod nga mga inadlaw, maga-abot sa syudad sang Iloilo si Inter Agency Task Force Deputy Chief Implementer for the Visayas Melquiades Feliciano agud hibaluon ang ginapatigayon nga COVID-19 response sa bug-os nga syudad sang Iloilo.
