TUBUNGAN, ILOILO – Ginahingyo ni Mayor Roquito Tacsagon nga magsungka ang suspek sa pagpatay sa 13 anyos nga dalagita nga kapin sa duha ka tuig nga missing sa Tubungan, Iloilo.
Sa interview sang Bombo Radyo kay Tacsagon, iya ginpahayag nga mas maayo nga magsungka na lang ang responsable sa krimen agud nga magmag-an ang kaso nga ipasaka kag agud nga mahatagan sang hustisya ang biktima.
Suno kay Tacsagon, iya na nga ginmandu sa mga pulis nga imbestigaran ang krimen agud nga masiguro nga ang nakita nga kalabera sa Brgy. Adgao ang iya gid man ang 13 anyos nga dalagita.
Ginpahayag ni Tacsagon nga madamo sang ispekulasyon tuhoy sa pagkadula sang biktima sang 2018 apang ma-untat lamang ini kun madakpan na ang suspek.
