Ginhalokan ni Presidente Rodrigo Duterte ang dalan nga ginluntaran sang pagpang-bomba sa Jolo, Solu kadungan sang iya nga pagbisita.
Suno kay Presidential Spokesman Atty. Harry Roque, ginbisita sang Presidente ang mga biktima kag nakigkita man ini sa alkalde sa nasambit nga lugar.
Ang Presidente ang nagatinir sa Davao City antes pa man ang natabo nga twin bombings kag yara ini sa maayo nga kondisyon kasunod sang insidente.
Matandaan nga ginkonsidera ni Duterte ang ginaduso sang mga law enforcers nga ipa-idalom sa martial law ang southern province apang ang rekomendasyon ang ginbawi man sang Philippine Army.
Nahibaluan nga 15 ka tawo ang napatay kag 74 ang pilason sa insidente samtang nakilala naman sang militar ang tatlo ka mga suspek sa likod sang pagpang-bomba lakip na ang duha ka mga Indonesian kag isa ka Pilipino.
