Padayon nga nagasaka ang kaso sang COVID-19 sa bahin sang mga health workers sa diin 6,932 na ang kabug-usan nga infected.
Suno sa Departmnt of Health, ang mga nag-ayo sa balati-an ang yara na sa 6,148 matapos nga 389 ang naka-recover samtang 40 patay.
Ginabulong kag naka-quarantine naman ang 744 nga mga medical workers nga ginakabig active cases.
Sa lima ka mga medical professions nga may pinakamataas nga numero sang COVID-19 amo ang mga nurses nga may 2,401 nga infections; doctors nga may 1,433; nursing assistants nga may 484; medical technologists nga may 304 kag radiologist technologists nga may 138 nga mga kaso.
Masobra 500 nga mga non-medical personnel kaangay sang utility workers, security guards kag administrative staff ang nalakip man sa tally.
